🍴回味再訪🍝
-
🍔不嬲去開銅鑼灣分店，貪佢夠近又唔會貴，同一個地方解決哂晚餐同甜品嘅需要😋 今次就轉場去左旺角店，分左兩層之餘，設計仲好時尚，長枱個邊絕對係一個唔錯嘅打卡位😍
-
燒鰻魚滑蛋蓋意式紅飯($98) 雖然唔係原條鰻魚，但夠厚身，醬汁夠香同入味，唔會腥😗 蛋夠滑，飯煮得啱啱好，仲有淡淡嘅蕃茄味🍅 好欣賞隔離會放左沙律菜，添加左啲清新感~
火辣鮮魷魚墨魚汁意粉($88) 意粉嘅墨汁味超級濃郁，感覺好似用左用墨汁整嘅意粉再加墨汁醬汁去煮，食完絕對會成個口黑哂😆 因為加左魷魚，所以多左啲海鮮味🦑 上面灑左嘅辣辣粉令到成個意粉更加惹味過癮！
蜜糖芥末醬單骨雞翼($55) 外皮炸得非常香脆，唔會過油，肉質保持到嫩滑~ 由於係單骨關係，食落非常方便🤗
抹茶心太軟配豆腐雪糕($62) 甜品不嬲係依到嘅重頭戲，冇令🍔失望過！首先隻碟幾過癮，好似隻手捧住個甜品咁~ 心太軟嘅流心效果💯，證明焗嘅時間啱啱好！抹茶味幾濃，帶少少苦澀味🍃 豆腐雪糕味道唔會太甜，但豆味爭左少少。
-
HeSheEat (旺角)
旺角白布街22號藝興大廈地下4號舖
@ HeSheEat
Search